Pour s'in échapper
I s'dit : " J'vas m'marier "
Ch'a été vit' fait
I étot pas vilain
All' étot bellotte
Un p'tit peu lolotte
Mais pour la popotte
All' n'y connaéchot rien

I mingeot des tomates
Des tomates, des tomates
Et ch'pauv' garchon
I savot bien
Qu'i étot marqué par le destin
Mais i s'disot
Pour se fair' eun' raison
Ch'aurot pu ét' la saison des melons

Cha d'vot arriver
Il a tout plaqué
I s'in est allé
Pou' trouver l'bonheur
Ch'est à Carpentras
Qu'un jour i trouva
Quéqu'quoss' qui étot pas
Sin métier d'mineur

Dins ces pays lé
In réclam' des bras
Faut dir' que ch'est pas
L'boulot qui les tue
Du matin au soir
Comme un vrai bagnard
I étot sus l'trimard
I n'in pouvot plus

Des tomates, des tomates
Et ch'pauv' garchon
I savot bien
Qu'i étot marqué
par le destin
Mais i s'disot
Pour se fair' eun' raison
Ch'aurot pu ét' la saison des melons

Il avot, ma foi
Un biau filet d'voix
Alors ch'est pour cha
Qu'i voulut canter
I apprit des canchons
Sos s'n'accordéon
Les microsillons
Cha l'faisot rêver

I veyot déjé
Paris, l'Olympia
Rimplachant sus l'tas
Johnny Hallyday
Mais l'jour qu'i canta
Dns l'vieux cinéma
Alors i arriva
Ch'qu'i devot arriver

I pleuvot des tomates
Des tomates, des tomates
Et ch'pauv' garchon
I savot bien
Qu'i étot marqué
par le destin
Mais i s'disot
Pour se fair' eun' raison
Ch'aurot pu ét' la saison des melons

A tout's les miséres
Qu'il a eu sur terre
I a pas pu s'y faire
I a pas résisté
Et ch'est à Fouquiéres
Tout prés d'sin grand-pére
Dins le vieux cim'tiére
Qu'il étot enterré

Ch'est par amitié
Qu'l'aut' jour in a s'mé
Des bell's tchiot's pinsées
I les aimot tant
Quind in est r'tourné
Deux, tros mos aprés
In est tous restés
Comme deux ronds d'flan

I poussot des tomates
Des tomates, des tomates
Et ch'pauv' garchon
I savot bien
Qu'i étot marqué
par le destin
Mais in s'disot
Pour se fair' eun' raison
Ch'aurot pu ét' la saison des melons